Меморандум за соработка со основно училиште во Љубљана, Словенија

Педагошкиот факултет „Св. Климент Охридски“ при Универзитетот „Св. Кирил и Методиј‘‘ во Скопје, Република Северна Македонија, застапуван од деканот на Факултетот, проф. д-р Билјана Камчевска потпиша Меморандум за соработка со
основното училиште „Хинко Смрекар“ во Љубљана, Република Словенија, застапувано од директорот м-р Игорчо Ангелов.

Општа цел на Меморандумот е преку воспоставената соработка и нејзините начини и форми да се даде придонес во понатамошниот развој согласно современите текови и тенденции, во сферата на образованието, научно-истражувачката работа и апликативната дејност на вработените, студентите и учениците кај двете договорни страни.

Како форми на соработка се утврдуваат:
•Студиски престои на дел од кадарот во рамките на другата институција;
•Реализација на предавања и обуки и други облици на активно делување во посочените сфери;
•Заедничко или самостојно организирање и учество со свои трудови и презентации на конференции, конгреси, работилници и други форми на научно-истражувачка и апликативна работа;
•Заедничко учество и активности во рамките на „ Еразмус‘‘ и др. проекти;
•Објавување на трудови во списанието „Педагошка ревија“;
•Други активности за унапредување во сферата на образованието, научно-истражувачката и апликативната дејност.